Ըմբշամարտ. Լիովա Վարդանեանի Մրցաշարքը Վերջ Գտաւ

Երկու օրերու վրայ տեղի ունեցաւ Լիովա Վարդանեանի անուան ազատ ոճի ըմբշամարտի միջազգային մրցաշարքը, Երեւանի մէջ` իրար դէմ հանելով 7 երկիրներէ երիտասարդ (20 տարեկանէն վար) մարզիկներ:

10 տարբեր կշիռներու կարգով Հայաստանէն, Ռուսիայէն, Խըրխըզիստանէն, Պիելոռուսիայէն, Ֆրանսայէն, Մոլտովայէն եւ Իտալիայէն մարզիկներ հաճելի մթնոլորտի մէջ մրցեցան:

Հայաստանի հաւաքականէն միակ ոսկի մետալակիր եղաւ Եւրոպայի 17 տարեկանէն վար ախոյեան Գագիկ Քազարեան 61 քկ կշիռի մրցումներուն:

Ռուսիա 8 ոսկի մետալներ շահեցաւ, մինչ Խըրխըզիստան շահեցաւ մէկ ոսկի մետալ` Հայաստանի կողքին:

Ստորեւ` հայ մարզիկներու արդիւնքները.

57 քկ
Աշոտ Գիւլնազարեան (արծաթ) եւ Սաշա Պետրոսեան (պրոնզ)

61 քկ
Գագիկ Ղազարեան (ոսկի), Ռուսլան Պապազեան (Ռուսիա, պրոնզ)

65 քկ
Արամ Բալեկեան (պրոնզ)

70 քկ
Դաւիթ Դաւթեան (պրոնզ)

79 քկ
Արտեոմ Յարութիւնեան (պրոնզ)

86 քկ
Ռազմիկ Եփրեմեան (արծաթ)

92 քկ
Անտրէյ Չակրեան (Ռուսիա, ոսկի)

125 քկ
Հենրիկ Հայկեան (պրոնզ)