«Ռոսատոմ»-ը նախատեսում է կրկին աշխատակիցների տարհանում իրականացնել Իրանի «Բուշեհր» ատոմակայանից․ գրում է ТАСС-ը։
«Հենց իրավիճակը թույլ տա, տարհանումը կիրականացվի»,- ասել է կորպորացիայի գլխավոր տնօրենը։
Ալեքսեյ Լիխաչովը նաև նշել է, որ ԱԷԿ-ի շրջակայքում ճառագայթային վիճակը նորմալ է, արտանետումներ չեն արձանագրվել։ Նա նաև ընդգծել է, որ պետությունների առաջնորդները պետք է անեն ամեն բան, որ ատոմակայանները հարձակման թիրախում չհայտնվեն։
Նշենք, որ վերջին տվյալներով՝ «Բուշեհր» ատոմակայանից Ռուսաստան է վերադարձել 196 աշխատակից, ևս 450-ը գտնվում է Իրանում։