Իրանի արտաքին գործոց նախարար Ապպաս Արաղչին եւ Ազրպէյճանի արտաքին գործոց նախարար Ճէյհուն Պայրամովը հեռաձայնային հաղորդակցութիւն ունեցած են:
Իրանի արտաքին գործոց նախարարը յայտարարած է, որ Թեհրան իրաւունք ունի յարձակելու որեւէ երկրի վրայ, որ Միացեալ Նահանգներուն եւ Իսրայէլին տարածք տրամադրած է Իրանի վրայ յարձակումի համար:
«Միջազգային օրէնքին համաձայն, որեւէ պետութիւն իրաւունք չունի իր տարածքն ու կառոյցները այլ պետութիւններու տրամադրելու` յարձակողական գործողութիւններու համար», ըսած է Արաղչի Պայրամովի հետ զրոյցի ընթացքին: