ԱՄՆ նախագահի դեսպանորդ Սթիվեն Ուիթկոֆը մարտի 17-ին՝ երեքշաբթի օրը, ամերիկացի սենատորների խմբին կտեղեկացնի Իրանի դեմ ռազմական գործողության ընթացքի մասին, մարտի 16-ին հայտնել է Axios-ը։
Իր աղբյուրների համաձայն՝ Ուիթկոֆը նախատեսում է փակ դռների հետևում ճեպազրույց անցկացնել երկու կուսակցությունների սենատորների փոքր խմբի համար՝ Իրանի դեմ պատերազմի վերաբերյալ։
Հաղորդագրությունում նշվում է, որ ամերիկացի օրենսդիրները ցանկանում են տեղեկանալ Իրանի վերաբերյալ ԱՄՆ ծրագրերի մասին, այդ թվում՝ «դիվանագիտական լուծման հեռանկարների և Հորմուզի նեղուցը բացելու տարբերակների մասին»։
Նրանք նաև հույս ունեն տեղեկանալ ամերիկացի և իրանցի պաշտոնյաների միջև հնարավոր շփումների մասին։