Թուրքիայի պաշտպանության նախարարությունը հայտնել է Իրանից արձակված ևս մեկ հրթիռի ոչնչացման մասին։
«Իրանից արձակված և Թուրքիայի օդային տարածք մտած բալիստիկ հրթիռը չեզոքացվել է ՆԱՏՕ-ի ՀՕՊ և հակահրթիռային պաշտպանության ստորաբաժանումների կողմից։ Մեր երկրի տարածքին և օդային տարածքին սպառնացող ցանկացած սպառնալիքի դեմ վճռականորեն և առանց երկմտելու ձեռնարկվում են անհրաժեշտ պաշտպանական միջոցառումներ»,- ասվում է նախարարության հայտարարության մեջ։