Միացյալ Նահանգները կողջունի Իրանի ազգային հավաքականի մասնակցությունը 2026 թվականի Աշխարհի գավաթին, սակայն նրա ներկայությունը անտեղի է՝ անվտանգության նկատառումներից ելնելով։ Այս մասին հայտարարել է ԱՄՆ նախագահ Դոնալդ Թրամփը։
«Իրանի ֆուտբոլի ազգային հավաքականին ուրախ կլինեն ողջունել Աշխարհի գավաթին, բայց ես իսկապես չեմ կարծում, որ նրանց ներկայությունը տեղին է իրենց սեփական անվտանգության համար», – գրել է ամերիկացի առաջնորդը TruthSocial սոցիալական ցանցում։
Ավելի վաղ Իրանի երիտասարդության և սպորտի նախարար Ահմադ Դոնյամալին հայտարարել էր, որ Իրանի ֆուտբոլի ազգային հավաքականը չի մասնակցի Աշխարհի գավաթին, որը կանցկացվի հունիսի 11-ից հուլիսի 19-ը Միացյալ Նահանգներում, Կանադայում և Մեքսիկայում։ Իրանի ֆուտբոլի ազգային հավաքականը պետք է խաղար խմբային փուլի բոլոր երեք խաղերը Միացյալ Նահանգներում։ Թիմը վիճակահանությամբ ընդգրկվել է Բելգիայի, Եգիպտոսի և Նոր Զելանդիայի հետ նույն խմբում։