Պանքոքի (Թայլանտ) մէջ տեղի ունեցող 19 տարեկանէն վար «Ֆիուչըրզ քափ» միջազգային բռնցքամարտի մրցաշարքին, հայ մարտիկ Կարէն Զախարեան (60 քկ) իր երկրորդ յաղթանակը տարաւ:
1/16-րդ աւարտականի մենամարտին Զախարեան հաստատ յաղթանակ մը տարաւ ֆինլանտացի Վեթի Վահաթիթոյի նկատմամբ: Իրաւարարները միաձայն յաղթանակ շնորհած են հայ մարզիկին, որ հասաւ 1/8-րդ հանգրուան:
Կարէն Զախարեանի մրցակիցը պիտի ըլլայ ուքրանացի Իվան Շուլհան: Նշենք, որ միջազգային այս մրցաշարքը զտումի մրցաշարք է 2026-ի ամառնային պատանեկան ողիմպիական խաղերուն:
Հայաստան կը մասնակցի երեք ներկայացուցիչերով. Տիգրան Կիրակոսեան (50 քկ) դուրս մնացած էր, մինչ Սուրէն Կատվալեան (65 քկ) իր առաջին մրցումը այսօր պիտի կատարէ: