Իրանի Իսլամական հեղափոխության պահապանների կորպուսը հայտարարել է, որ ԱՄՆ-ի և Իսրայելի թիրախների դեմ իր հարվածները բարձրացնում է «նոր մակարդակի»։
Ավելի վաղ Իսլամական հեղափոխության պահապանների կորպուսի (ԻՀՊԿ) ավիատիեզերական ուժերի հրամանատար Մաջիդ Մուսավին հայտարարել էր, որ Իրանը այլևս չի արձակի մեկ տոննայից պակաս մարտագլխիկով հրթիռներ։
««Ճշմարիտ խոստում 4» գործողության 34-րդ ալիքի ընթացքում օգտագործված հզոր ռազմավարական հրթիռների՝ «Ղադրի», «Էմադի» և «Ֆաթթահի», ինչպես նաև հիպերձայնային «Խեյբար» հրթիռի նպատակային արձակումները ամերիկացի և սիոնիստ ագրեսորների դեմ մարտադաշտը հասցրել են նոր մակարդակի», – ասվում է Իսլամական հեղափոխության պահապանների կորպուսի հայտարարության մեջ, որը հրապարակվել է Իրանի պետական հեռարձակողի կողմից ։