Թուրքիան, իր դաշնակիցների հետ համակարգված, ձեռնարկում է բոլոր անհրաժեշտ միջոցները իր անվտանգության ռիսկերը նվազեցնելու համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Մեր դաշնակիցների հետ համակարգված, մենք ձեռնարկում ենք բոլոր անհրաժեշտ միջոցները մեր անվտանգության ռիսկերը նվազեցնելու համար», – ասել է Էրդողանը:
Նախագահի խոսքով՝ ԱՄՆ-ի և Իսրայելի կողմից Իրանի վրա կատարված հարվածները և դրանց պատասխան հարձակումները լարվածությունը տարածաշրջանում հասցրել են մտահոգիչ մակարդակի։ «Իրանական հրթիռներն ու անօդաչու թռչող սարքերը, որոնք ուղղված են տարածաշրջանի այլ երկրներին, վտանգ են ստեղծում հակամարտության տարածման համար՝ շատ ավելի մեծ տարածք։ Մենք չենք հանդուրժում նույնիսկ ամենափոքր անփութությունը և չենք տատանվում մեր սահմանների և օդային տարածքի անվտանգությունն ապահովելու հարցում։ … Մենք անում ենք ամեն ինչ, ինչ անհրաժեշտ է մեր երկիրն ու ժողովրդին ցանկացած վտանգից պաշտպանելու համար», – ասել է Էրդողանը՝ հավելելով, որ շարունակում է իրանական ճգնաժամի խաղաղ կարգավորմանն ուղղված հեռախոսային դիվանագիտությունը։