«Ազդակ» երէկ հեռաձայնային հաղորդակցութիւն ունեցաւ Թեհրանի գործընկերներուն հետ, որոնք փոխանցեցին.
– Քանի մը հայրենակիցներ կրած են նիւթական վնասներ:
– Դպրոցները կը շարունակեն փակ մնալ:
– Պայթումներու հետեւանքով վնասուած է «Արարատ» մարզաւանը, փշրուած են ապակիներ եւ պատերը` ճեղքուած:
– Համայնքի շտապ օգնութեան աշխատակիցներ կը շրջին հայկական թաղամասեր` հայ ընտանիքներու օժանդակութիւն ապահովելու նպատակով:
Անոնք փոխանցեցին նաեւ, որ Հայաստանի հետ սահմանը բաց է, սակայն զանգուածային հոսք չկայ: