Մանչեսթըր Սիթի ուշադիր ձեւով կը հետեւի Ռէալ Մատրիտի յառաջապահ Վինիսիուս Ժունիորի պայմանագիրին շուրջ ստեղծուած իրավիճակին: Անգլիական ակումբը մտադիր է համոզել պրազիլցի ֆութպոլիստը` միանալու իրենց, ինչպէս կը յայտնէ Սպանիոյ «Մարքա» պարբերականը:
Ըստ աղբիւրին, անգլիական ակումբը պատրաստ է Վինիսիուսին առաջարկել այնպիսի նիւթական պայմաններ, որոնք մատրիտեան ակումբը չի կրնար ապահովել աշխատավարձերու սահմանաչափին պատճառով: Կը նշուի, որ «Սիթիզընզ» կը փորձեն համոզել պրազիլցի ֆութպոլիստը չերկարաձգելու իր գործող պայմանագիրը (Ռէալ Մատրիտի հետ), որ կ՛աւարտի մինչեւ 2027:
Այս տարեշրջանին Վինիսիուս 37 մրցումներու մասնակցած է` նշանակելով 13 կոլ եւ 11 էսիսթներ կատարած: Անոր փոխանցման արժէքը կը կազմէ 150 միլոն եւրօ, ըստ միջազգային թրանսֆերմարքեթ հեղինակաւոր կայքին: