Հիուսթըն Ռոքեթց աստղ Քեւըն Տիւրենթ երէկ Մայեմի Հիթի դէմ մրցումին 32 կէտեր նշանակեց` դառնալով պատմութեան 5-րդ մարզիկը, որ 30 կէտերէ աւելի կը նշանակէ 432-րդ անգամ ըլլալով:
Տիւրենթ 5-րդ դիրքը խլեց Քոպի Պրայընթէն եւ այժմ կարիքը ունի 4 մրցումներու եւս` անցնելու 4-րդ դիրք գրաւող Քարլ Մալոնի, 85 մրցումներու հասնելու Ուիլթ Չեմպըրլէյնի (516), 131` Մայքըլ Ճորտընի (562) եւ 144` Լըպրոն Ճէյմսի 575:
16 անգամ «Օլ Սթար» մրցումներու մասնակցած Տիւրենթ, որ կը նկատուի «Էն. Պի. Էյ.»-ի պատմութեան ամէնէն լուրջ եւ պարզ մարզիկներէն, անցեալ տարեշրջանին նման միջին հաշուով 26,2 կէտ կը նշանակէ եւ 255 կէտերու պէտք ունի հասնելու Մայքըլ Ճորտընի կէտերու հաշիւին:
32 հազար 38 կէտեր ունեցող Տիւրենթ 37 տարեկան է, բայց շատ կայուն մարզիկ մըն է, որ տկար կէտ չունի:
Տիւրենթ հակառակ բնաւորութիւնը ունեցող աստղ Լըպրոն Ճէյմս, որ երեւիլը կը սիրէ, Լոս Անճելըս Լէյքըրզի հետ 129-101 արդիւնքով յաղթանակ մը արձանագրեց Կոլտըն Սթէյթ Ուորիրզի դէմ:
Առանց Սթեֆ Քըրրիի եւ Ճիմի Պաթլըրի, Ուորիըրզ չկրցաւ զսպել Լուքա Տոնչիչն ու Լըպրոն Ճէյմսը:
Տոնչիչ 26 կէտ նշանակեց, իսկ Լըպրոն 22 կէտ:
Ստորեւ` շաբաթավերջի մրցումներուն արդիւնքները.
Եութա Ճեզ – Նիւ Օրլինզ Փելիքընզ 105-115
Կոլտըն Սթէյթ Ուորիըրզ – Լոս Անճելըս Լէյքըրզ 101-129
Ուաշինկթըն Ուիզըրտծ – Թորոնթօ Ռեփթըրզ 125-134
Մայեմի Հիթ – Հիուսթըն Ռոքեթց 115-105
Չարլոթ Հորնեթց – Փորթլենտ Թրէյլ Պլէյզըրզ 109-93
Օքլահոմա Սիթի Թանտըր – Տենվըր Նակեթց 127-121
Տալաս Մեւրիքս – Մեմֆիս Կրիզլիզ 105-124
Միլուոքի Պաքս – Նիւ Եորք Նիքս 98-127
Պոսթըն Սելթիքս – Պրուքլին Նեթց 148-111
Տիթրոյիթ Փիսթընզ – Քլիվլենտ Քեվելիրզ 122-119