Պաշտպանութեան բարձրագոյն խորհուրը երէկ հանրապետութեան նախագահ Ժոզեֆ Աունի հրաւէրով Պաապտայի պալատին մէջ գումարեց ժողով մը, որուն աւարտին հրապարակեց հաղորդագրութիւն մը` բարձր գնահատելով լիբանանցիներուն կարգապահութեան ոգին, որ կու գայ հաստատելու այն սկզբունքները, որոնց կարեւորագոյնը Լիբանանի նկատմամբ հաւատարմութիւնն է:
Խորհրուրդը շեշտեց, թէ խաղաղութեան ու պատերազմի որոշումին միակ տէրը պետութիւնն է, եւ լրատուամիջոցներէն խնդրեց պատասխանատուութեան ոգի ցուցաբերելու:
Պաշտպանութեան բարձրագոյն խորհուրդը նաեւ վստահեցուց, թէ անհրաժեշտ բոլոր նիւթերը` սննդեղէնը, դեղն ու ուժանիւթը ապահովուած են, եւ հանրօգուտ շինութեանց եւ փոխադրամիջոցներու նախարարութենէն պահանջեց Լիբանանի օդային տարածքը բաց պահել:
Խորհուրդը արտաքին գործոց ու արտերկրի լիբանանցիներու նախարարութեան պարտականութիւն տուաւ արտերկրի լիբանանցիներուն հետ կապի մէջ մնալ: