Վաղը ժամը 14:00-ին, Մապարրայի դաշտին վրայ ՀՄԸՄ Պէյրութի (ներկայացուցչական) ֆութպոլի խումբը պիտի մրցի Տինամօ Պէյրութի դէմ, Դ. դասակարգի Պէյրութի ախոյեանութեան առաջին հանգրուանի մրցումներուն գծով:
ՀՄԸՄ բաւական լաւ խումբ մը կազմած է երիտասարդ տարրերով օժտուած` գլխաւորութեամբ Հիլալ Նասրի նախկին մարզիչ Ահմետ Իթանիի, որ կ՛աշխատի Յակոբ Տեմիրճեանի հովանիին տակ` նկատի ունենալով, որ վերջինս ստանձնած է ՀՄԸՄ-ի տարիքային խումբերու ակադեմիան, միեւնոյն ժամանակ պահելով Թաուֆիր ակումբի ընդհանուր մարզիչներու պատասխանատուութիւնը, առաւել վերջերս նշանակուեցաւ աղջկանց ազգային խումբի թեքնիք տնօրէն` իրեն հետ ունենալով ՀՄԸՄ-ի նախկին բերդապահ Սարգիս Էսքիճեանը, որ բերդապահներու մարզիչն է:
Համակիրներէն կը սպասուի Մապարրայի դաշտ ներկայանալ` քաջալերելու համար ՀՄԸՄ-ի ներկայացուցչական խումբը:
Ստորեւ` Պէյրութի առաջին հանգրուանի յայտագիրը.
Սանհարիպ – Շեպիպեթ Մազրաա (Շարքի դաշտ, ժամը 10:00-ին)
Պէյրութ Ֆ. Ք. – Անդրանիկ (Անսարի դաշտ, ժամը 10:00-ին)
ՀՄԸՄ – Տինամօ Պէյրութ (Մապարրայի դաշտ, ժամը 14:00-ին)
Նուժում – Նօ Լիմիթց (Անսարի դաշտ, ժամը 16:00-ին)