Ոստիկանության տարածքային ստորաբաժանումների ծառայողների բացատրական աշխատանքի շնորհիվ բնակչության կողմից շարունակվում են ապօրինի պահվող զենք-զինամթերքի կամավոր հանձնումները:
Փետրվարի 23-ին ՆԳՆ Շիրակի մարզի օպերատիվ կառավարման կենտրոն զանգահարած քաղաքացին հայտնել էր, որ Գյումրիի գերեզմանատան հարակից տարածքում գտնվող կիսաքանդ շինության մեջ զենք-զինամթերք է թողել:
Համայնքային ոստիկանության Կումայրիի բաժնի ծառայողները նշված վայրում հայտնաբերել են ատրճանակ, ինքնաձիգ, սվին-դանակ, նռնակի պայթուցիչ, պայթուցիչի քուղ և տարբեր տրամաչափի փամփուշտներ:
Ոստիկանությունից հորդորում են ապօրինի զենք-զինամթերքը կամավոր հանձնել՝ քրեական պատասխանատվությունից խուսափելու համար։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: