ՀՅԴ Բիւրոյի հրաւէրով 19-20 փետրուարին Երեւանի մէջ տեղի ունեցաւ Հայ յեղափոխական դաշնակցութեան ղեկավար մարմիններու ընդլայնուած խորհրդաժողով` մասնակցութեամբ աւելի քան 20 երկիրներու ՀՅԴ կազմակերպական կառոյցներու ներկայացուցիչներու:
Խորհրդաժողովին հանգամանալի քննարկուեցան աշխարհասփիւռ հայութեան եւ հայոց պետականութեան առջեւ ծառացած հիմնախնդիրներն ու մարտահրաւէրները, այդ ուղղութեամբ համակարգուած, ցանցային աշխատանքներու իրականացման հարցերը:
Առանձնայատուկ շեշտուեցաւ ազգային ինքնութեան, ազգային արժէքներու, արցախահայութեան իրաւունքներու պաշտպանութեան եւ մեր պետականութեան անվտանգային մարտահրաւէրներու եւ սպառնալիքներու դիմագրաւման գործին մէջ հետեւողական եւ միասնական ուժերով բոլոր ճակատներուն վրայ աշխատանքները շարունակելու կարեւորութիւնը:
ՀՅԴ ԲԻՒՐՕ
21 փետրուար 2026