Իրանի և Միացյալ Նահանգների միջև անուղղակի բանակցություններ կարող են տեղի ունենալ մարտին։ Այս մասին Իրանցի բարձրաստիճան պաշտոնյան ասել է Reuters-ին:
«Բանակցությունները շարունակվում են, և կա ժամանակավոր համաձայնության հասնելու հնարավորություն», – ասել է նա։
Պաշտոնյան նշել է, որ Թեհրանը և Վաշինգտոնը տարբեր տեսակետներ ունեն Իրանի դեմ պատժամիջոցների վերացման շրջանակի և մեխանիզմի վերաբերյալ։ Նա նաև նշել է, որ Թեհրանը կարող է լրջորեն քննարկել իր բարձր հարստացված ուրանի որոշ պաշարների արտահանումը, դրանց որակը նվազեցնելը և տարածաշրջանային ուրանի հարստացման կոնսորցիում ստեղծելը։ Սակայն, փոխարենը, նրա խոսքով, պետք է ճանաչվի Իրանի «խաղաղ նպատակներով ուրանի հարստացման» իրավունքը։