Էլեկտրոնային ծանուցումների հարթակից Iravaban.net-ը տեղեկանում է, որ Պետական եկամուտների կոմիտեի Արևմտյան մաքսատուն-վարչության նախկին պետ Վլադիմիր Թամրազյանն ու ընտանիքի անդամները 2026թ. փետրվարի 25-ին հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն:
2023 թվականի մարտի 13-ին ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում սկսվել է Վլադիմիր Ֆելիքսի Թամրազյանին պատկանող գույքի առնչությամբ ուսումնասիրություն:
Համաձայն «Ապօրինի ծագում ունեցող գույքի բռնագանձման մասին» օրենքի 13-րդ հոդվածի՝ 2026 թվականի փետրվարի 11-ին ուսումնասիրության նախնական արդյունքներով Իրավասու մարմինը կազմել է ուսումնասիրության արդյունքների վերաբերյալ ամփոփագիր:
Դատախազություն են հրավիրվել նաև Վլադիմիր Թամրազյանի մայրը՝ Մարիա Թամրազյանը, քույրը՝ Սոնա Թամրազյանը, որդիները՝ Հովիկ, Ռոման և Ֆելիքս Թամրազյանները, որպեսզի ծանոթանան գործի նյութերին և ներկայացնեն դիրքորոշում:
Վլադիմիր Թամրազյանի կինը՝ Ռեբեկա Աբրահամյանը ՀՀ նախկին վարչապետ Հովիկ Աբրահամյանի դուստրն է։
Թե ինչ գույք է Դատախազության կողմից դիտարկվել որպես ապօրինի խագում ունեցող, դեռևս հայտնի չէ։ Դատախազությունից չեն հստակեցրել ցանկը, հիմնավորելով, որ սեփականատերերի՝ գործի նյութերին ծանոթանալուց, դիրքորոշում, ապացույց ներկայացնելուց հետո հնարավոր է փոփոխվի ենթադրյալ բռնագանձման ենթակա գույքի ցանկը: