Թենիս. Խաչանով Յաղթեց Ֆուչովիչին Եւ Պիտի Մրցի Ալքարասի Դէմ

Քաթարի մէջ կը շարունակուի Տոհայի թենիսի մրցաշարքը, ուր ռուսահայ Կալէն Խաչանով 2 ժամ տեւած մրցումի մը ընթացքին 6-2, 4-6 եւ 6-4 արդիւնքով յաղթեց հունգարացի Ֆուչովիչին (թիւ 61):

Քառորդ աւարտականին Խաչանով պիտի մրցի սպանացի Քարլոս Ալքարասի (թիւ 1) դէմ, որ 6-2 եւ 7-5 արդիւնքով պարտութեան մատնեց ֆրանսացի Վալենթեն Ռուայը (թիւ 60):

Թիւ 33 դասուած Սթեֆանոս Ցիցիփաս (Յունաստան) 6-3 եւ 6-4 արդիւնքով պարտութեան մատնեց Տանիլ Մետվետեւը (թիւ 11)` անակնկալ արդիւնքով մը: Աշխարհի թիւ 2 թենիսմեն Եանիք Սինըր 6-3 եւ 7-5 արդիւնքով պարտութեան մատնեց աւստրալիացի Ալեքսի Փոփիրինը (թիւ 53) եւ այժմ պիտի մրցի չեխ Եաքուպ Մենշիքի (թիւ 16) դէմ: