«Մենք 11 միլիոն տոլարի հետախուզական անօդաչու սարքերու արհեստագիտութեան վաճառքի գործարք հաստատած ենք Հայաստանի հետ», վարչապետ Նիկոլ Փաշինեանի հետ միացեալ մամլոյ ասուլիսի ընթացքին 9 փետրուարին յայտարարեց Հայաստան ժամանած Միացեալ Նահանգներու փոխնախագահ Ճէյ. Տի. Վանսը:
«Մենք համոզուած ենք, որ այն խաղաղութիւնը, որ պէտք է կերտուի, կայուն պիտի ըլլայ: Ատիկա կը նշանակէ հետագայ լրացուցիչ աշխատատեղերի բացում, լրացուցիչ ներդրումներ», նշեց Ճէյ. Տի. Վանս` աւելցնելով. «Այն, ինչ որ կը կատարուի այստեղ պատմական նշանակութիւն ունի, ես, իրօք, հպարտ եմ, որ Միացեալ Նահանգներու առաջին փոխնախագահն եմ, որ երբեւէ կ՛այցելէ այս երկիր»:
Ճէյ. Տի. Վանսը Ամերիկայի առաջին փոխնախագահն է, որ նորանկախ Հայաստանի պատմութեան մէջ երբեւէ եկած է երկիր:
Երեւանի մէջ հայկական եւ ամերիկեան պատուիրակութիւններու բանակցութիւններուն հիմամբ նաեւ հիւլէական ոլորտին մէջ համագործակցութիւնը խորացնելու վերաբերեալ փաստաթուղթ ստորագրուեցաւ: