Առանց ԱՄՆ-ի հետ նախնական խորհրդակցելու Իրանին հարված հասցնելու հավանականություն Իսրայելի կողմից չկա։
Այս մասին ճեպազրույցի ժամանակ հայտարարել է Իրանի արտաքին գործերի նախարարության խոսնակ Էսմայիլ Բաղային։
Նա նշել է, որ փորձը ցույց է տալիս, որ Իսրայելի կողմից ձեռնարկված միջոցառումները միշտ իրականացվում են Միացյալ Նահանգների համաձայնությամբ և համագործակցությամբ։
Իրանի ԱԳՆ խոսնակն ընդգծել է, որ Իրանը վճռականորեն կարձագանքի երկրի վրա ցանկացած հարձակման։