Հանրապետութեան նախագահ զօր. Միշել Աուն երէկ առաւօտեան Պաապտայի պալատին մէջ ընդունեց Լիբանանի մէջ Միացեալ Նահանգներու դեսպան Միշել Իսան:
Դեսպան Իսա նախագահին հետ անդրադարձաւ վերջին զարգացումներու լոյսին տակ վերջին զարգացումներուն, լիբանանեան բանակի հրամանատար զօր. Ռուտոլֆ Հայքալի Ուաշինկթըն այցելութեան արդիւնքներուն, ինչպէս նաեւ ամերիկեան ու լիբանանեան բանակներուն միջեւ գոյութիւն ունեցող գործակցութեան ծիրին մէջ ամերիկացի պաշտօնատարներու հետ անոր բանակցութիւններուն:
Նախագահական պալատին համաձայն, քննարկուած են պատրաստութիւնները 5 մարտին Փարիզի մէջ լիբանանեան բանակին եւ ներքին ապահովութեան ուժերուն Միացեալ Նահանգներու մասնակցութեամբ աջակցութեան խորհրդաժողովին, որմէ առաջ դիրքորոշումներու համակարգման նախապատրաստական ժողով մը պիտի գումարուի, մանաւանդ որ նախագահ Աունի Ֆրանսայի նախագահ Էմանուել Մաքրոնի կողքին ներկայութիւնը խորհրդաժողովին իւրայատուկ կարեւորութիւն կու տայ:
Նախագահին ու Միացեալ Նահանգներու դեսպանին միջեւ հանդիպումի ընթացքին նաեւ քննարկուեցան շրջանին մէջ արձանագրուող զարգացումներն ու Մասքաթի մէջ Իրան-Միացեալ Նահանգներ ժողովը: