Ծերակուտական Լինտսի Կրահամ զօր. Հայքալի հետ հանդիպումէն ետք յայտարարեց, թէ «լիբանանեան բանակի հրամանատար զօր. Ռուտոլֆ Հայքալի հետ շատ կարճ ժողով մը» գումարած է:
Ան «Էքս»-ի վրայ գրառում կատարելով յայտնեց. «Անոր ուղղակի կերպով հարցուցի, եթէ կը կարծէ, թէ Հըզպալլան ահաբեկչական կազմակերպութիւն է: Պատասխանեց. «Ո՛չ, լիբանանեան կացութեան ծիրին մէջ այդպէս չէ»: Այդ պահուն ժողովը վերջ գտաւ»:
«Յստակ է, թէ ահաբեկչական կազմակերպութիւն է: Հըզպալլայի ձեռքերը ամերիկացիներու արիւնով ներկուած են: Կը բաւէ, որ հարցնէք ամերիկացի նաւազներուն», նշեց ծերակուտականը:
«Անիկա 1997 թուականէն ի վեր թէ՛ հանրապետական եւ թէ՛ դեմոկրատական վարչակազմերու կողմէ ահաբեկչական օտար կազմակերպութիւն որակուած է, եւ հաստատ պատճառով», աւելցուց Կրահամ: