Իրանի նախագահ Մասուդ Փեզեշքիանը հայտարարել է, որ հանձնարարել է երկրի արտաքին գործերի նախարարությանը բանակցություններ վարել ԱՄՆ-ի հետ հավասար հիմունքներով։
«Ես հանձնարարել եմ իմ արտաքին գործերի նախարարին (Աբբաս Արաղչի), համապատասխան պայմանների առկայության դեպքում, սպառնալիքներից և անհիմն սպասումներից զերծ, անցկացնել արդար և հավասար բանակցություններ՝ առաջնորդվելով արժանապատվության, խոհեմության և նպատակահարմարության սկզբունքներով», – երեքշաբթի օրը գրել է նա X սոցիալական ցանցում։
Փեզեշքիանը հավելել է, որ այս որոշումը կայացրել է՝ «հաշվի առնելով տարածաշրջանի բարեկամ երկրների խնդրանքը՝ արձագանքել ԱՄՆ նախագահի բանակցություններ վարելու առաջարկին»։
«Այս բանակցությունները կանցկացվեն՝ հաշվի առնելով մեր ազգային շահերը», – ընդգծել է Փեզեշքիանը։