Ուքրանիոյ` 1 յունուար 2027-ին Եւրոպական Միութեան միանալու մասին խօսք իսկ չի կրնար ըլլալ: Այս մասին յայտարարած է Գերմանիոյ վարչապետ Ֆրիտրիխ Մերց:
«Եւրոպական Միութեան անդամակցութեան բոլոր թեկնածուները, ներառեալ Ուքրանիան, որոնք կ՛ուզեն ապագային միանալ, պէտք է համապատասխանեն չափանիշերուն: Հոլովոյթը սովորաբար կը տեւէ քանի մը տարի: Եւրոպական Միութեան միանալը երկարատեւ հոլովոյթ է: Աստիճանական համարկումը միշտ կարելի է, սակայն նման արագ անդամակցութիւնը գործնականին մէջ պարզապէս անկարելի է», ընդգծած է Գերմանիոյ վարչապետը:
«Այժմ կան այլ առաջարկներ` Ապու Տապիի մէջ ընթացող բանակցութիւնները», նշած է Մերց:
Գերմանիոյ վարչապետը Պունտըսթակի մէջ իր արտասանած խօսքին մէջ յայտարարած է. «Օրէնքներու վրայ հիմնուած աշխարհակարգը ողջ է»:
Ան, բայց եւ այնպէս, ընդունած է, որ Ուաշինկթընի եւ Եւրոպական Միութեան յարաբերութիւններուն մէջ լուրջ խնդիրներ ծագած են:
«Հակառակ ատոր, մենք պէտք է շարունակենք Միացեալ Նահանգներու համագործակցութեան ձեռք երկարել: Ժողովրդավարական պետութիւններ հանդիսանալով` պէտք է հասկնանք, որ մենք գործընկերներ ենք, եւ ոչ թէ վերադասներ ու ենթականեր», նշած է Մերց: