Ո՛չ կարողանում եք միտինգ հավաքել ու մի գաղափար առաջ քաշել, ո՛չ կարողանում եք մեզ հետ բանավիճել, ո՛չ՝ ասելիք ձևակերպել. Ալեն Սիմոնյան

ԱԺ նախագահ Ալեն Սիմոնյանի տելեգրամյան գրառումը

Գալիք ընտրությունների մասին խոսելիս մեր ընդդիմադիր գործընկերները և իրենց լրատվամիջոցներն անընդհատ կրկնում են, թե իբր ՔՊ-ն վարկանիշ չունի ու իբր գալիք ընտրություններին պարտվելու է, այդ նույն ժամանակ ամբողջ հանրապետության տարածքով փախչում են թե՛ մեզ հետ բանավիճելուց, թե՛ իրենց եթերներում մեզ հյուրընկալելուց: Դրա փոխարեն իրենց վարորդներին ու դուռ բացող-փակողներին են «դեմ տալիս» նախարարի կամ պատգամավորի հետ բանավիճելու համար և անիմաստ արդարացումներ ու պատճառաբանություններ հորինում: Լա՛վ, ինչքա՞ն եք փախչելու մեզանից:

Ո՛չ կարողանում եք միտինգ հավաքել ու մի գաղափար առաջ քաշել, ո՛չ կարողանում եք մեզ հետ բանավիճել, ո՛չ կարողանում եք ասելիք ձևակերպել: Մեզ էլ է դժվար. ինչքա՞ն կարելի է, կներեք արտահայտությանս համար, քաղաքական «մեռել տշել»: