Եմէնի մէջ անջատողականներու ղեկավար Իտրուս Զուպէյտի վճռակամութիւն յայտնեց հարաւի մէջ անկախ պետութեան ստեղծման ուղղութեամբ աշխատանքը շարունակելու: Այս մասին հաղորդեց ԱՖՓ լրատու գործակալութիւնը:
Ֆրանսական լրատու գործակալութիւնը նշեց, որ ասիկա Զուպէյտիի ուժերու այս ամիս իրենց վերահսկողութեան տակ գտնուող շրջաններէն վտարուելէն ետք առաջին յայտարարութիւնն է:
Զուպէյտի ըսաւ. «Այսուհետեւ պիտի չընդունինք որեւէ լուծում, որ մեր իրաւունքէն կը պակսեցնէ կամ մեզի կը պարտադրէ մերժելի իրողութիւն մը»:
Ան խօսքը իր համակիրներուն ուղղելով յայտնեց. «Ձեր կամքով ապագայ պետութիւնը իրականութիւն կը դառնայ»: