44-օրյա պատերազմի հանգամանքներն ուսումնասիրող ԱԺ զեկույցի բաց մասը հնարավոր է դառնա խորհրդարանական հանրային լսումների քննարկման առարկա:
ԱԺ նստաշրջանի մեկնարկին «Հայաստան» խմբակցությունից Գեղամ Մանուկյանը հետաքրքրվեց, թե 44-օրյա պատերազմի հանձնաժողովի զեկույցը չի՞ ներկայացվելու վերջին նստաշրջանին: Ի պատասխան ԱԺ նախագահ Ալեն Սիմոնյանը հայտարարեց, որ զեկույցը հասանելի է օրենսդիրներին, սակայն միայն մի քանի պատգամավոր է ծանոթացել դրան:
«Գալիս եք, մեզ քննադատում եք, հարցեր եք տալիս: Այս թեմայի շուրջ շահարկումները համարում եմ անտեղի», – ասաց Ալեն Սիմոնյանը՝ պատգամավորներին հորդորելով ուսումնասիրել զեկույցը:
Ավելի քան երեք տարի առաջ ստեղծված հանձնաժողովը աշխատանքն ավարտել էր նախորդ սեպտեմբերին, բայց զեկույցը հանրությանն այդպես էլ հասանելի չդարձավ, ծավալուն փաստաթուղթն ուղարկվեց խորհրդարանի գաղտնի փաստաթղթերի բաժին:
Ազգային ժողովի նախագահը հայտնել էր, որ 44-օրյայի հանգամանքների վերաբերյալ զեկույցն Ազգային ժողովի լիագումար նիստերի օրակարգ չի կարող մտնել, քանի որ հանձաժողովի ժամկետը լրացել է։ Ըստ ԱԺ աշխատակազմի՝ հանձնաժողովի գործունեության ժամկետն ավարտվել էր դեռ 2023-ի նոյեմբերին:
Գեղամ Մանուկյանն, իր հերթին, այսօր մեղադրեց իշխանություններին զեկույցի առնչությամբ շահարկումների համար՝ հիշեցնելով, որ ընդդիմությունն ի սկզբանե վերապահումներ է ունեցել հանձնաժողովի գործունեության վերաբերյալ:
Իշխանական պատգամավոր Վահագն Ալեքսանյանը, հանձնաժողովի նախագահ Անդրանիկ Քոչարյանին դիմելով, հարցրեց, թե արդյոք հնարավոր չէ հանրային լսումներ կազմակերպել, որտեղ զեկույցի բաց հատվածը կարող է քննարկվել: Քոչարյանն արձագանքեց, որ քննարկման այս տարբերակը:
«Այնտեղ շատ հետաքրքիր կտորներ կան, որոնց բացի տակ են ընկնում, հետո չասեք, թե խի տենց եղավ», – դիմելով ընդդիմությանը՝ ասաց ՔՊ պատգամավոր Ալեքսանյանը:
Լրացվում է