Եգիպտոսի արտաքին գործոց նախարար Պատր Ապտելաթի հեռաձայնային հաղորդակցութիւն մը ունեցաւ վարչապետ Նաուաֆ Սալամի հետ:
Եգիպտոսի արտաքին գործոց նախարարութեան բանբեր Թամիմ Խալաֆ նշեց. «Ապտելաթի հեռաձայնային հաղորդակցութեան ընթացքին հաստատեց Լիբանանին աջակցելու, անոր հողերու գերիշխանութեան, ամբողջականութեան եւ անվտանգութեան, լիբանանեան պետութեան կողմէ իր բոլոր հողերուն վրայ վերահսկողութեան հաստատման աջակցութիւնը»:
Ապտելաթի զօրակցութիւն յայտնած է լիբանանեան ազգային հաստատութիւններուն կողմէ Լիբանանի անվտանգութեան ու կայունութեան պահպանման մէջ ամբողջական պատասխանատուութեան ստանձնման, «բան մը, որ կ՛ապահովէ եղբայրական լիբանանցի ժողովուրդի շահերը»:
Եգիպտոսի արտաքին գործոց նախարարը գնահատեց իր վերահսկողութիւնը իր բոլոր հողերուն վրայ տարածելու լիբանանեան պետութեան ջանքերը` ողջունելով զէնքը պետութեան մենաշնորհը դարձնելու ծրագիրի Լիթանի գետէն հարաւ առաջին փուլի աւարտը` ընդգծելով, որ այդ քայլը պետութեան գերիշխանութիւնը ամրապնդելու եւ օրինական հաստատութիւններու դերակատարութեան ամրապնդման նկատմամբ յստակ յանձնառութիւնը կ՛արտացոլէ:
Ան շեշտեց, որ Եգիպտոս ամբողջովին կը մերժէ Լիբանանի գերիշխանութեան, միութեան եւ տարածքային ամբողջականութեան ոտնահարումը:
Եգիպտական դիւանագիտութեան պետը աւելցուց, որ անհրաժեշտ է անխտիր եւ ամբողջական կերպով գործադրել ՄԱԿ-ի Ապահովութեան խորհուրդի թիւ 1701 որոշումը, ներառեալ իսրայէլեան ուժերու անմիջական ու ամբողջական հեռացումն ու լիբանանեան գերիշխանութեան դէմ բոլոր ոտնձգութիւններու դադրեցումը:
Ապտելաթի ամբողջապէս մերժեց զինուորական մագլցումի որեւէ փորձ, որ կ՛ոտնահարէ լիբանանեան հողերու ամբողջականութիւնը, գերիշխանութիւնն ու անվտանգութիւնը: