Գաղտնի քննչական գործողությունների տեսակները և կատարման հիմքերը

Iravaban.net-ը ներկայացնում է  ՀՀ Քրեական դատավարության օրենսգրքով սահմանված Գաղտնի քննչական գործողությունների տեսակները և դրանց կատարման հիմքերը։

Ըստ այդմ՝ Գաղտնի քննչական գործողություններն են`

1. ներքին դիտումը.
2.  արտաքին դիտումը.
3.  նամակագրության և այլ ոչ թվային հաղորդակցության վերահսկումը.
4.  թվային, այդ թվում` հեռախոսային հաղորդակցության վերահսկումը.
5. ֆինանսական գործարքների վերահսկումը.
6. կաշառք ստանալու կամ կաշառք տալու նմանակումը:

Գաղտնի քաաչական գործողությունների կատարման հիմքերը և պայմանները

1. Գաղտնի քննչական գործողություն կարող է կատարվել միայն այն դեպքում, երբ բավարար հիմքեր կան ենթադրելու, որ դրա արդյունքով կարող է ձեռք բերվել տվյալ վարույթի համար նշանակություն ունեցող ապացույց, և միաժամանակ այլ եղանակով այդ ապացույցի ձեռքբերումը ողջամտորեն անհնար է:
2. Գաղտնի քննչական գործողությունը կատարվում է քննիչի հանձնարարությամբ` դատարանի որոշման հիման վրա:
3. Գաղտնի քննչական գործողությունները կարող են կատարվել ծանր կամ առանձնապես ծանր, ինչպես նաև կաշառք ստանալու կամ կաշառք տալու ենթադրյալ հանցանքների վերաբերյալ վարույթներով:
4. Գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը լիազոր պետական մարմնի ներկայացմամբ հաստատում է Կառավարությունը: