Վենեսուելայի ժամանակավոր կառավարությունը կատարում է Միացյալ Նահանգների բոլոր խնդրանքները, և ԱՄՆ նախագահ Դոնալդ Թրամփը ակնկալում է շարունակական համագործակցություն։ Այս մասին հայտարարել է Սպիտակ տան մամուլի քարտուղար Քերոլայն Լիվիտը լրագրողների համար կազմակերպված հերթական ճեպազրույցի ժամանակ։
«Պետքարտուղար (Մարկո) Ռուբիոն և վարչակազմը մշտական կապի մեջ են տիկին (Դելսայի Բոլիվարյան Հանրապետության նախագահի լիազոր ներկայացուցիչ) Ռոդրիգեսի և Վենեսուելայի ժամանակավոր կառավարության մյուս անդամների հետ, ովքեր ցուցաբերում են համագործակցության արտակարգ պատրաստակամություն։ Մինչ այժմ նրանք կատարել են Միացյալ Նահանգների և նախագահի բոլոր պահանջները և խնդրանքները», – ասել է նա։
«Նախագահը գոհ է իր դիտարկումներից և ակնկալում է շարունակական համագործակցություն», – հավելել է Լիվիտը։