Պատասխանելով լրագրողների հարցերին ԱՄՆ նախագահ Դոնալդ Թրամփն ուրբաթ օրը հայտարարել է, թե չի կարծում, որ Ուկրաինայում պատերազմը դադարեցնելու համար ստիպված կլինի ՌԴ նախագահ Վլադիմիր Պուտինին գերեվարելու հրաման տալ։
Ի պատասխան հարցի, թե՝ «Ուկրաինայի նախագահ Վոլոդիմիր Զելենսկին նշեց, որ ողջ աշխարհի հետ միասին ինքն էլ է հետևել, թե ինչպես եք հրամայել գերի վերցնել Նիկոլաս Մադուրոյին։ Զելենսկին ասաց. «Եթե բռնապետերի հետ այդպես է վարվում, ապա ԱՄՆ-ն գիտի, թե ինչ անել հաջորդիվ»։ Կարծես, նա ցանկանում է, որ գերի վերցնեք Վլադիմիր Պուտինին։ Երբևէ կհրամայե՞ք գերեվարել Պուտինին», Թրամփը պատասխանել է․
«Չեմ կարծում՝ դրա անհրաժեշտությունը լինի։ … Ես միշտ հիանալի հարաբերություններ եմ ունեցել Պուտինի հետ։ Սակայն այժմ շատ հիասթափված եմ։ Ես 8 պատերազմ եմ «կարգավորել»:
Մտածում էի, թե սա էլ կլինի հեշտերից մեկը։ Գիտե՞ք, վերջին ամսվա ընթացքում նրանք կորցրին 31,000 հոգի, որոնցից շատերը ռուս զինվորներ էին։ Եվ Ռուսաստանի տնտեսությունը վատ վիճակում է։ Կարծում եմ՝ մենք ի վերջո կկարգավորենք այն»։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: