Արցախի շուրջ 80 պատմամշակութային հուշարձաններ արդեն թվայնացված են՝ դառնալով մշակութային հիշողության պահպանման կենդանի վկայություն։
TUMO-ի կողմից ստեղծված Հայկական մշակութային ժառանգության ինստիտուտը՝ Armenian Cultural Heritage Institute միացել է «ՄԵՆՔ ԿԱՆՔ» կրթամշակութային նախաձեռնությանը և դրա շրջանակում ներկայացնելու է Արցախի մշակութային ժառանգության թվայնացման իր կարևոր ծրագիրը։
Այս նախաձեռնության շնորհիվ այցելուները կարող են վիրտուալ իրականության միջոցով կրկին «ներկա լինել» Արցախի պատմամշակութային վայրերում, վերապրել այդ տարածքների շունչը և բացահայտել դրանց պատմությունը՝ ժամանակակից տեխնոլոգիաների օգնությամբ։
Ծրագիրը ոչ միայն փաստագրում է պատմական ժառանգությունը, այլև ստեղծում է մշակութային հիշողության պահպանման նոր հարթակ՝ ապահովելով դրա հասանելիությունն ու փոխանցումը գալիք սերունդներին։
📅 Հունվարի 18-ին՝ ժամը 12:00-ից
📍 Կարեն Դեմիրճյանի անվան մարզահամերգային համալիրում
Սա վկայություն է, որ մշակույթը կարող է ապրել և պահպանվել ոչ միայն ֆիզիկական, այլև թվային տարածքում՝ շարունակելով պատմել իր մասին՝ անկախ ժամանակից և տարածությունից։
ՄԵՆՔ ԿԱ՛ՆՔ
Արցախյան մշակույթի պահպանման կենտրոն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: