«Բավարիայի» սպորտային տնօրեն Քրիստոֆ Ֆրոյնդը մեկնաբանել է թիմի 17-ամյա կիսապաշտպան Լենարտ Կառլի խոսքերն այն մասին, որ Մադրիդի «Ռեալն» իր երազանքների ակումբն է։
«Լենարտը շատ էմոցիոնալ է։ Նա ոչնչից չի վախենում, այդ թվում՝ խաղադաշտում։ Դա նրա խաղաոճն է։ Այդ հայտարարությունը անհաջող էր ստացվել, բայց նա անմիջապես հասկացավ դա։
Լենարտը ներողություն է խնդրել։ Մենք զրուցել ենք այդ թեմայով. նա մոտեցավ և ասաց, որ բոլորովին դա նկատի չուներ։
Կառլն իրեն շատ հարմարավետ է զգում «Բավարիայում»։ Մանուկ հասակում նա մարզվել է «Ռեալում», և այն ժամանակ դա իրոք նրա երազանքների ակումբն էր։ Սակայն այժմ նա երջանիկ է «Բավարիայում», իսկ մենք ուրախ ենք, որ նա մեզ հետ է»,- Ֆրոյնդի խոսքերը փոխանցում է լրագրող Ֆլորիան Պլետենբերգը՝ հղում անելով ServusTV-ին։
Հիշեցնենք, որ 17-ամյա ֆուտբոլիստը «Բավարիայի» համակարգում է 2022 թվականից։ Ընթացիկ մրցաշրջանում Կառլը բոլոր մրցաշարերում մասնակցել է 22 հանդիպման՝ դառնալով 6 գոլի և 2 գոլային փոխանցման հեղինակ։