«Լավ եմ արել, միացել եմ, դուք ո՞վ եք, որ ձեզ պետք ա ասեմ՝ ինչու եմ միացել»․ Փաշինյանի ուխտերթին մասնակցում են հիմնականում պաշտոնյաները

Նիկոլ Փաշինյանը եւ իր թիմակիցները Երևանի Սուրբ Գրիգոր Լուսավորիչ մայր եկեղեցուց երթով գնացին Սուրբ Աստվածածին Կաթողիկե եկեղեցի։ Ինչպես ավելի վաղ հայտնել էր Փաշինյանը՝ այսօր ուխտերթ են անցկացնում։

Լրագրողները նկատել են, որ Փաշինյանի նախաձեռնած ուխտերթին հիմնականում մասնակցում են բարձրաստիճան պաշտոնյաներն ու նրանց ենթակաները։ Մասնավորապես, Նիկոլ Փաշինյանին ուղեկցում են ԱԳ նախարար Արարատ Միրզոյանը, Պաշտպանության նախարար Սուրեն Պապիկյանը, էկոնոմիկայի նախարար Գեւորգ Պապոյանը, ԱԺ ՔՊ-ական պատգամավորներ։

Մանրամասները՝ տեսանյութում 

ՔՊ-ական պատգամավոր Խաչատուր Սուքիասյանը, լսելով լրագրողների հարցերը, հունից դուրս եկավ։ Հարցին, թե ինչո՞ւ է միացել եկեղեցու դեմ արշավին, Սուքիասյանը պատասխանեց․ «Լավ եմ արել, միացել եմ, դուք ո՞վ եք, որ ձեզ պետք ա ասեմ՝ ինչու եմ միացել, քեզ ո՞վ ա էդ իրավունքը տվել։ Ես ուզում եմ, որ Հայաստանում եկեղեցականները լինեն այնպիսին, ինչպիսին զարգացած երկրներում են, կարգ լինի, կանոն լինի, բարձր աշխատավարձ ունենան, բարձր եկամուտ»։

Մանրամասները՝ տեսանյութում

Փաշինյանն ու նրան ուղեկցողները հասել են Սուրբ Աստվածածին Կաթողիկե եկեղեցի։

Ամբողջական տեսանյութը՝ այստեղ 

Ռոզա ՀՈՎՀԱՆՆԻՍՅԱՆ