Սպիտակ տան աշխատակազմի ղեկավարի տեղակալ Սթիվեն Միլլերը կասկածի տակ է դրել Դանիայի՝ Գրենլանդիան տիրապետելու իրավունքը՝ նշելով, որ կղզին պետք է միանա Միացյալ Նահանգներին։
«Գրենլանդիայի դեմ, որի բնակչությունը մոտ 30,000 է, ռազմական գործողություն չի լինի: Իրական հարցն այն է, թե ինչո՞ւ Դանիան վերահսկողություն ձեռք բերեց Գրենլանդիայի նկատմամբ», – ասել է Միլլերը CNN-ին տված հարցազրույցում:
«Ինչի՞ վրա են հիմնված նրանց տարածքային պահանջները: Ի՞նչն է հիմք հանդիսանում այն փաստի համար, որ Գրենլանդիան համարվում է դանիական գաղութ: Միացյալ Նահանգները ՆԱՏՕ-ի անդամ ուժ է: Եվ որպեսզի Միացյալ Նահանգները ապահովի Արկտիկայի անվտանգությունը և պաշտպանի ՆԱՏՕ-ի շահերը, Գրենլանդիան, ակնհայտորեն, պետք է լինի Միացյալ Նահանգների մաս: Սա է այն, ինչ մենք՝ որպես երկիր, քննարկելու ենք»,-ասել է նա:
Հունվարի 4-ին ԱՄՆ նախագահ Դոնալդ Թրամփը լրագրողներին հայտարարեց, որ ԱՄՆ-ն Գրենլանդիայի նկատմամբ վերահսկողություն է պահանջում ազգային անվտանգության նկատառումներից ելնելով։
Վաշինգտոնի վարչակազմի ղեկավարի խոսքով՝ սա ռազմավարական բնույթի հարց է, քանի որ կղզու շուրջ, իբր, «ռուսական և չինական նավեր են ամենուր», իսկ Դանիան «անկարող է ամրապնդել տարածքի անվտանգությունը»։