Այսօրվանից Կադաստրի կոմիտեի էլեկտրոնային ծառայությունների մատուցումը գործում է բոլորովին նոր էլեկտրոնային համակարգով։ Այս մասին Iravaban.net–ը տեղեկանում է Կադաստրի կոմիտեի ղեկավարի ֆեյսբուքյան էջից։
Նոր հարթակը մշակվել է քաղաքացիների համար ծառայություններից օգտվելն ավելի արագ, պարզ և հարմար դարձնելու նպատակով և այն ապահովում է՝
- պարզեցված և հասկանալի նավիգացիա,
- ավելի հարմար օգտագործում նաև բջջային սարքերից,
- ծառայության դիմումի/հայտի ընթացքի վերահսկում մեկ տեղում,
- ժամանակի խնայողություն՝ առանց հերթերի և ավելորդ այցելությունների։
Կոմիտեի ղեկավարը կոչ է անում, գրասենյակ այցելելու փոխարեն, հնարավորության դեպքում օգտվել հարթակից՝ ծառայությունները ստանալով առցանց, ցանկացած վայրից և ժամանակին։
Հավելելով, որ սա ոչ միայն կխնայի ձեր ժամանակը, այլև կնպաստի սպասարկման ընդհանուր գործընթացի արագացմանը և հերթերի նվազեցմանը։