Fox News-ի հետ զրույցում ԱՄՆ նախագահ Դոնալդ Թրամփը հայտնել է, որ Վենեսուելայում գործողության ընթացքում խոցվել է ուղղաթիռ, և ԱՄՆ մի քանի հատուկջոկատային վիրավորում է ստացել, սակայն զոհեր չեն եղել։
Թրամփի խոսքով՝ ԱՄՆ-ն որևէ օդանավ չի կորցրել։
«Մադուրոյի տունն ամրոցի պես էր՝ երկաթե դռներով, գաղտնի սենյակով։ Նա փորձել է թաքնվել այնտեղ, սակայն չի հասցրել։ Մենք ունեինք երկաթը ճեղքելու գործիք, սակայն դրա կարիքն իսկ չեղավ»։
Թրամփի խոսքով՝ Մադուրոյին և նրա կնոջը Նյու Յորք տարել են՝ նավով, այնուհետև ուղղաթիռով: «Հաճելի թռիչք էր, վստահ եմ՝ նրանց դուր է եկել», – ասել է նա:
ԱՄՆ նախագահը նաև նշել էր, որ Կարակասում այդ «աներևակայելի» գործողություններն ինքն «ուղիղ եթերում» դիտել է ինչպես հեռուստաշու:
Նա նշել է, թե «երկիր մոլորակի վրա չկա որևէ երկիր, որը կարող է նման մանևր անել»:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: