Վենեսուելայում ԱՄՆ-ի գործողությունը Լատինական Ամերիկայում ամենամեծ ռազմական գործողությունն է 1989 թվականից ի վեր, երբ ԱՄՆ-ն ներխուժեց Պանամա և ձերբակալեց երկրի առաջնորդ Մանուել Անտոնիո Նորիեգային:
Աշխարհի արձագանքը Վենեսուելայի նախագահ Նիկոլաս Մադուրոյի ձերբակալությանը
Մեծ Բրիտանիա
Բրիտանական վարչապետ Քիր Ստարմերը հայտարարել է, որ Մադուրոյի ձերբակալության մասին որևէ վերջնական հայտարարություն տալուց առաջ ցանկանում է խոսել նախագահ Թրամփի հետ։
«Պետք է հարգել միջազգային իրավունքը, բայց այս արագ զարգացող իրավիճակում նախ պետք է փաստերը պարզել, ապա ելք գտնել», — բրիտանական հեռուստաընկերություններին ասել է նա։
«Առաջին հերթին ցանկանում եմ փաստերը պարզել։ Նախագահ Թրամփի հետ խոսել եմ ուզում։ Դաշնակիցների հետ խոսել եմ ուզում։ Ես կարող եմ հստակ ասել՝ մենք այդ գործողության մեջ ներգրավված չենք եղել», — ավելացրել է Ստարմերը։
Ռուսաստան
Բացի այն, որ Ռուսաստանի ԱԳՆ-ն կատարվածը խորապես մտահոգիչ և դատապարտելի է համարել, Ռուսաստանի արտաքին գործերի նախարար Սերգեյ Լավրովն էլ հեռախոսազրույց է ունեցել Վենեսուելայի Բոլիվարյան Հանրապետության փոխնախագահ Դելսի Էլոինա Ռոդրիգես Գոմեսի հետ։
Լավրովը համերաշխություն է հայտնել զինված ագրեսիայի ենթարկված Վենեսուելայի ժողովրդին:
Ռուսաստանը շարունակելու է աջակցել Բոլիվարյան կառավարության քաղաքականությանը՝ պաշտպանելու երկրի ազգային շահերը և ինքնիշխանությունը։
Չինաստան
Չինաստանի ԱԳՆ-ն հայտարարել է, որ «խորապես ցնցված է» ԱՄՆ-ի գործողություններից․ դրանք բնորոշել է որպես «բացահայտ ուժի կիրառում ինքնիշխան երկրի և նրա նախագահի դեմ»։
«ԱՄՆ-ի նման հեգեմոն գործողությունները լրջորեն խախտում են միջազգային իրավունքը և Վենեսուելայի ինքնիշխանությունը և սպառնում են Լատինական Ամերիկայի ու Կարիբյան տարածաշրջանի խաղաղությանը և անվտանգությանը», — նշվում է հայտարարությունում։
«Չինաստանը կտրականապես դեմ է դրան։ Կոչ ենք անում ԱՄՆ-ին հարգել միջազգային իրավունքը և ՄԱԿ Կանոնադրության սկզբունքները և դադարեցնել այլ երկրների ինքնիշխանության ու անվտանգության խախտումը», — նշվում է հայտարարության մեջ։
ՄԱԿ
ՄԱԿ-ը հայտարարել է, որ «խորապես մտահոգված է» ԱՄՆ հարվածներով և Մադուրոյի ձերբակալությամբ, ինչը կարող է խախտել միջազգային իրավունքը։
«Այս զարգացումները վտանգավոր նախադեպ են», — ասել է ՄԱԿ գլխավոր քարտուղարի խոսնակ Ստեֆան Դյուժարիկը։
«Գլխավոր քարտուղարը խորապես մտահոգված է Վենեսուելայում վերջին սրման պատճառով, որը հասավ ԱՄՆ ռազմական գործողությանը, և որը կարող է լուրջ հետևանքներ ունենալ տարածաշրջանի համար։ Նա շարունակում է ընդգծել միջազգային իրավունքի լիակատար պահպանման կարևորությունը, ներառյալ ՄԱԿ Կանոնադրությունը», — ավելացրել է նա։
Եվրոպական Միություն
ԵՄ արտաքին քաղաքականության ղեկավար Կայա Կալլասը հայտնել է, որ խոսել է ԱՄՆ պետքարտուղար Մարկո Ռուբիոյի և ԵՄ դեսպանի հետ Կարակասում։
«ԵՄ-ն բազմիցս հայտարարել է, որ Մադուրոն լեգիտիմություն չունի և պաշտպանել է խաղաղ իշխանափոխությունը։ Բոլոր իրավիճակներում պետք է հարգել միջազգային իրավունքի և ՄԱԿ Կանոնադրության սկզբունքները», — ասել է Կալլասը։
Մեքսիկա
Մեքսիկայի նախագահ Կլաուդիա Շեյնբաումը X սոցցանցում հիշեցրել է ՄԱԿ Կանոնադրության սկզբունքները․
«Կազմակերպության անդամները իրենց միջազգային հարաբերություններում պետք է հրաժարվեն ուժի սպառնալիքից կամ կիրառումը որևէ երկրի տարածքային ամբողջականության կամ քաղաքական անկախության դեմ»։
Բրազիլիա
Բրազիլիայի նախագահ Լուիս Ինասիո Լուլա դա Սիլվան Մադուրոյի ձերբակալությունը անվանել է «ընդունելի չլինող սահման» անցնելու գործողություն։
«Երբ երկրների վրա հարձակվում են միջազգային իրավունքի բացահայտ խախտմամբ, դա առաջին քայլն է բռնության, անկայունության և անօրինականության աշխարհին», — նշել է նա X սոցցանցում։
Կոլումբիա
Կոլումբիայի նախագահ Գուստավո Պետրոն դատապարտել է ԱՄՆ գործողությունը և նշել․
«Կոլումբիայի կառավարությունը հրաժարվում է Վենեսուելայի և Լատինական Ամերիկայի ինքնիշխանության դեմ ագրեսիայից»։
Նա ընդգծել է, որ «ժողովրդերի ներքին հակամարտությունները լուծվում են հենց այդ ժողովուրդների կողմից խաղաղ ճանապարհով»։
Դանիա
Դանիայի ԱԳՆ՝ Լարս Լյուկե Ռասմուսենը նշել է․
«Վենեսուելայում դրամատիկ զարգացում, որը մենք ուշադիր հետևում ենք։ Պետք է վերադառնանք սառեցման և երկխոսության ուղու վրա։ Միջազգային իրավունքը պետք է հարգվի»։
Իսպանիա
Իսպանիայի վարչապետ Պեդրո Սանչեսը կոչ է արել «սառեցման և պատասխանատվության»։
«Պետք է հարգել միջազգային իրավունքը և ՄԱԿ Կանոնադրության սկզբունքները», — նշել է նա X-ում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: