Երևանում անցկացվող միջազգային ընկերական մրցաշարում Հայաստանի ֆուտզալի ազգային ընտրանին շարունակում է իր հաջող ելույթները։
Երկրորդ տուրի շրջանակում Ռուբեն Նազարեթյանի սաները վստահ առավելության հասան Ղրղզստանի հավաքականի նկատմամբ՝ խաղն ավարտելով 5։1 հաշվով։
Մեր թիմի կազմում փայլուն խաղ ցուցադրեցին Արսեն Պետրոսովը և Նիկիտա Խրոմիխը, որոնք դարձան դուբլի հեղինակ։
Հանդիպման հաշիվն էլ ավելի խոշոր դարձրեց Դենիս Նևեդրովը՝ հեղինակելով թիմի հինգերորդ գնդակը։
Սա Հայաստանի հավաքականի երկրորդ անընդմեջ հաղթանակն էր. հիշեցնենք, որ մեկնարկային խաղում մեր ֆուտբոլիստները 2-1 հաշվով պարտության էին մատնել Մոլդովայի թիմին։
Մրցաշարի եզրափակիչ փուլում Հայաստանի ընտրանին ուժերը կչափի Վրաստանի ազգային հավաքականի հետ։