Հայաստանի Հանրային ռադիոյի արտասահմանի համար տրվող ծրագրերի բաժինը «Կոնրադ Ադենաուեր» հիմնադրամի աջակցությամբ չորս լեզուներով ֆիլմ է պատրաստել Հայաստանում բնակվող ազգային փոքրամասնությունների մասին։ Չորս համայնքների ներկայացուցիչներ՝ եզդիական, հունական, քրդական և ասորական, համառոտ ներկայացնում են իրենց կյանքը Հայաստանում՝ խոսելով իրենց նվաճումների և մարտահրավերների մասին։ Ֆիլմում հատուկ ուշադրություն է դարձվում եվրաինտեգրման հարցին։
Հայաստանի ազգային փոքրամասնություններն աջակցում են եվրոպական ինտեգրման գործընթացին, այն համարելով տնտեսական զարգացման, իրավունքների ընդլայնման, կյանքի որակի բարելավման և ավելի մեծ անվտանգության հնարավորություն։
Նրանք կիսում են հայ հասարակության ընդհանուր դրական վերաբերմունքը ԵՄ-ի նկատմամբ, որն արտահայտվում է Եվրամիության նկատմամբ վստահությամբ և բարեփոխումների աջակցությամբ։