Պորտուգալիան Ուկրաինային կհատկացնի 50 միլիոն եվրո «Ուկրաինայի առաջնահերթ պահանջների ցանկ» (PURL) ծրագրով, որի շրջանակներում մասնակից երկրները Կիևի համար զենք են գնում ամերիկյան պաշարներից: Այս մասին հայտարարել է Ուկրաինայի պաշտպանության նախարար Դենիս Շմիգալը։
«Ես ուրախ էի հանդիպել իմ գործընկերոջ՝ Պորտուգալիայի պաշտպանության նախարար Նունո Մելոյի հետ: Ես իմ անկեղծ երախտագիտությունը հայտնեցի Պորտուգալիային օգնության և 50 միլիոն եվրո նվիրաբերելու պատրաստակամության համար», – գրել է նախարարը իր սոցիալական ցանցերի էջում։
ԱՄՆ-ի և ՆԱՏՕ-ի կողմից ստեղծված PURL (Prioritized Ukraine Requirements List ) նախաձեռնությունը չի նախատեսում ԱՄՆ-ի կողմից Ուկրաինային ուղղակի ռազմական օգնություն։ Այն ենթադրում է, որ եվրոպական երկրները Կիևի համար գնում են ամերիկյան զենք։