ԵԱՀԿ գործող նախագահ, Ֆինլանդիայի ԱԳ նախարար Էլինա Վալտոնենը Հայաստանի և Ադրբեջանի միջև խաղաղության գործընթացում դրական առաջընթաց է արձանագրել: Այս մասին Վալտոնենը նշել է ԵԱՀԿ նախարարական հանդիպման ընթացքում:
«Հարավային Կովկասում ես ականատես եղա Հայաստանի և Ադրբեջանի միջև խաղաղության գործընթացում դրական առաջընթացին: Օգոստոսին մենք հասանք կոնսենսուսի՝ Մինսկի խմբի ենթակառուցվածքները փակելու ուղղությամբ, որոնք զբաղվում էին Լեռնային Ղարաբաղի հակամարտության կարգավորմամբ»,- նշել է Վալտոնենը: