Հայաստանը և ԱՄԷ-ն պատրաստվում են փոխադարձ ճանաչել վարորդական վկայականները։ Կառավարությունն առաջարկում է վավերացնել 2025 թվականի սեպտեմբերի 30-ին Աբու Դաբիում ստորագրված հուշագիրը։ Փաստաթուղթը կուղարկվի Սահմանադրական դատարան։ Դատարանի դրական եզրակացության պարագայում, հուշագիրը կուղարկվի Ազգային ժողով՝ հաստատման։
Սահմանադրական դատարանում կառավարության ներկայացուցիչը կլինի ներքին գործերի նախարարի տեղակալ Արմեն Ղազարյանը։
Հուշագրով նախատեսվում է, որ Հայաստանը և ԱՄԷ-ն կճանաչեն միմյանց վարորդական վկայականները։ Կարճաժամկետ ժամանող քաղաքացիները կարող են օգտագործել իրենց երկրի վկայականը, եթե համապատասխանում են մյուս երկրի նվազագույն տարիքային պահանջներին։
Բնակության նպատակով ժամանողները կարող են փոխանակել իրենց վարորդական վկայականները՝ առանց նոր քննություններ հանձնելու։