Թուրքիայի նախագահ Ռեջեփ Թայիփ Էրդողանը կայցելի Իրան։ Ըստ Mehr գործակալության, այս մասին հայտնել է Իրանի արտաքին գործերի նախարարության խոսնակ Էսմայիլ Բաղային։
«Այցելության վերաբերյալ սկզբունքորեն համաձայնություն է ձեռք բերվել։ Այցի ճշգրիտ ամսաթիվը քննարկվում է», նշել է Բաղային՝ հավելելով, որ ժամկետները ճշգրտելու աշխատանքները շարունակվում են։
Նկատենք, որ օրերս Թուրքիայի արտաքին գործերի նախարար Հաքան Ֆիդանն էր Իրան այցելել, որտեղ բանակցություններ է վարել իր իրանցի գործընկերների հետ։
Ֆիդանին ընդունել էր նախագահ Փեզեշքիանը: Թուրքիայի արտաքին գործերի նախարարը հանդիպել էր Իրանի խորհրդարանի նախագահ Գալիբաֆի, ինչպես նաև Ազգային անվտանգության բարձրագույն խորհրդի քարտուղար Լարիջանիի հետ:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: