Թրամփի խոսքերը ուժի կիրառման հստակ սպառնալիք են՝ խախտելով ՄԱԿ-ի կանոնադրությունը։ ԱՄՆ-ն իրավունք չունի ազդել Վենեսուելայի օդային տարածքի օգտագործման վրա. դրա նկատմամբ ինքնիշխանությունը պատկանում է միայն Կարակասին, հայտարարել է Վենեսուելայի Արտաքին գործերի նախարարությունը՝ РБК-ի փոխանցմամբ։
«Վենեսուելան կտրականապես հերքում է ԱՄՆ նախագահ Դոնալդ Թրամփի հրապարակային հայտարարությունը, որում նա փորձում է արտատարածքային կերպով կիրառել ԱՄՆ-ի անօրինական իրավասությունը Վենեսուելայում», հայտարարել է երկրի արտաքին գործերի նախարարությունը։
Ավելի վաղ Թրամփը հայտարարել էր, որ Վենեսուելայի վրայով և նրա շրջակայքով օդային տարածքը փակ է։
«Նման հայտարարությունը թշնամական, միակողմանի և կամայական գործողություն է, որը անհամատեղելի է միջազգային իրավունքի հիմնարար սկզբունքների հետ և մեր երկրի դեմ ագրեսիայի մշտական քաղաքականության մի մասն է, որը գաղութային պահանջներ է ներկայացնում մեր Լատինական Ամերիկայի և Կարիբյան ավազանի տարածաշրջանի նկատմամբ և հերքում է միջազգային իրավունքը», – ասվում է ԱԳՆ հայտարարության մեջ։