Հոնկոնգի վարչական շրջան Թայ Պո վարչական շրջանում գտնվող Վան Ֆուկ Քորթ բնակելի համալիրում բռնկված սարսափելի հրդեհի կադրերը համացանցում տարածվում են մեծ արագությամբ և միջազգային ԶԼՄ-ների եթերներում «Հրատապ» գլխագրի տակ են: Կրակի ճիրաններում է հայտնվել 7 շենքից բաղկացած համալիր՝ 1900 բնակարանով և 4 հազար բնակչով: Ըստ բնակիչներից մեկի՝ թաղամասում հիմնականում տարեցներ են ապրում: 900 –ից ավելի մարդ տեղափոխվել է ապաստարան, կան անհետ կորածներ, ըստ տարբեր թվերի՝ 300 մարդ, իսկ զոհերի թիվը գերազանցում է 5 տասնյակը։