Մի քանի օր է՝ Անդրեա Չիկալեզեն Հայստանում է, բայց հասցրել է արժանանալ ջերմ ընդունելության ու տպավորվել Գյումրու մշակութային ոգեղենությամբ: Իտալացի ջութակահարը այստեղ է Գյումրու պետական սիմֆոնիկ նվագախմբի հետ համատեղ համերգի շրջանակներում:
Հանրապետական շտապօգնության ծառայության հյուսիսային տարածաշրջանում տոնական օրերին, այդ թվում՝ դեկտեմբերի 31-ին, աշխատանքը կազմակերպվել է ուժեղացված ռեժիմով, գրեթե բոլոր կայաններում և ենթակայաններում ներգրավվել են հավելյալ բրիգադներ։ Այս տարի լարվածությանը գումարվել էր նաև առատ ձյունը, որը դժվարացնում էր թե՛ տեղաշարժը, թե՛ արագ արձագանքը։
Սուրբ Ամենափրկիչ եկեղեցու բակն ինչպես ամեն տարի, այս տարի ևս մարդաշատ է։ Ծնողներ, ընկերներ ու հարազատներ այստեղ են՝ տղաներին բանակ ճանապարհելու։
2025 թվականը Շիրակի մարզում ամփոփվել է 2250 ծնունդով։ Տարվա ընթացքում լույս աշխարհ է եկել 1188 տղա և 1062 աղջիկ, իսկ 24 ծնունդ եղել է զույգ։ Հանրապետական մակարդակով ծնելիության նվազման պայմաններում մարզում արձանագրվել է համեմատաբար կայուն պատկեր։
Տեր Փավստոսի խոսքով՝ Քրիստոսի Ծնունդը Աստծո մարդը դառնալու խորհուրդն է։ Մարդը, որը ստեղծվել էր Աստծո պատկերով և նմանությամբ, հակառակության պատճառով կորցրել էր իր կոչումը։ Եվ հենց մարդով էր պետք վերականգնել մարդուն։