Կատարի Al Jazeera հեռուստաալիքը հաղորդել է, որ իսրայելական բանակը հրետակոծել է Գազայի հարավային շրջանի մի քանի հատվածներ՝ խախտելով պաղեստինյան անկլավում հրադադարի ռեժիմը։
Հաղորդագրության համաձայն՝ զինվորականները օդային և հրետանային հարվածներ են հասցրել Խան Յունիսից արևելք և հարավ գտնվող հատվածներին։ Ռաֆահից հյուսիս-արևելք գտնվող հատվածների վրա գրոհն իրականացվել է նաև ուղղաթիռներով ու տանկերով։ Հարձակումների հետևանքների մանրամասները պարզվում են։
Հոկտեմբերի 9-ին Իսրայելը և «ՀԱՄԱՍ»-ը՝ Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնել են իրականացնել ԱՄՆ նախագահ Դոնալդ Թրամփի խաղաղության ծրագրի առաջին փուլը։ Գազայում հրադադարը ուժի մեջ է մտել հոկտեմբերի 10-ին։ Համաձայնագրի համաձայն՝ իսրայելական զորքերը անկլավի կենտրոնական հատվածներից դուրս են եկել այսպես կոչված «Դեղին գիծ»՝ պահպանելով վերահսկողությունը հատվածի ավելի քան 50%-ի նկատմամբ։
Նոյեմբերի 20-ին «ՀԱՄԱՍ»-ը մեղադրել է Իսրայելին Գազայի հատվածի նկատմամբ իր վերահսկողությունն ընդլայնելու մեջ։ Խմբավորման տվյալներով՝ իսրայելական ուժերը 300 մետրով տեղաշարժել են սահմանազատման գիծը Գազայի արևելքում գտնվող Ալ-Շուջաիյա շրջանում։
Նոյեմբերի 22-ին «ՀԱՄԱՍ»-ը կոչ է արել Եգիպտոսին, Կատարին, Միացյալ Նահանգներին և Թուրքիային ճնշում գործադրել Իսրայելի վրա՝ անկլավում հրադադարի խախտումը դադարեցնելու և համաձայնագրի պայմանները կատարելու համար։