Պաղեստինյան ՀԱՄԱՍ շարժումը հայտարարել է, որ Դոհայում կայացած խորհրդակցությունների ժամանակ համաձայնել է ազատ արձակել Գազայի հատվածում պահվող իսրայելցի 10 պատանդի: Վիճելի հարցերի շուրջ խորհրդակցությունները շարունակվում են, ասվում է զինյալների Telegram ալիքում հրապարակված պաշտոնական հայտարարության մեջ:
«ՀԱՄԱՍ-ը ցանկանում է, որ բանակցությունները հաջողությամբ պսակվեն և այդ պատճառով համաձայնել է ազատ արձակել 10 պատանդի։ Այնուամենայնիվ, խորհրդակցությունները շարունակվում են մի շարք հիմնարար հարցերի շուրջ. դա վերաբերում է, մասնավորապես, մարդասիրական օգնության մուտքին Գազա, իսրայելական զորքերի դուրսբերմանը այնտեղից և մշտական հրադադարի իրական երաշխիքների տրամադրմանը», – ասվում է հայտարարության մեջ։